February 2012
41 posts
psycho0o:
ألف في شوارع مصر , و أحب ف بنتها السمرا
انا هو انا برغم كل العك و اللغبطة و السذاجة و القرف انا مبسوطة ب كونى انا و مش عايزة ابقى اى حد تانى
“كل ما تسألني كيفك بتذكر إني مش منيح يعني بتعرف؟ لو بلاه هالسؤال.”
– زياد الرحبانى
امبارح شوفتها الحاجة سلوى ام مختار :) ، ست مصرية اوى عندها فوق ال 70 سنة كدة ، لهجتها صعيدية جداً ، و التجاعيد و الخطوط اللى ف وشها بتحكيلك تاريخ و حواديت من زمن قديم ، االطيبة مرسومة على وشها ، و البساطة ف كلامها قادرة انها تخلى اجمد قلب يدمع ، انا ماتكلمتش معاها كتير بس انا كنت مركزة ف كلامها مع ماما اوى و كنت ف قمة السعادة لما اتكلمت معايا الكام دقيقة دول ، خصوصاً لما دعيتلى و قالت ” يا...
الحزن سرطان الروح. و انت كنت العلاج الكيماوى . تقتل السرطان و تقضى على الكثير من الحياة معه. و انا قررت التوقف عن تناولك و مقاومة سرطانى بنفسى ، لقد اكلت من روحى اكثر مما اكل السرطان بكثير . اسكندرية /بيروت نرمين نزار
“تكون بين الناس خيوط تربطهم , لكنهم لا يرونها الا فى وقت مخصوص , وقد لايرونها...”
– من رواية محال - ل يوسف زيدان .
(via imisa)
فكرة تمبلر نفسها مريحة اوى !! ، انك تتكلم براحتك من غير اى تعليقات سخيفة من اى حد و تلاقى ناس كتير زييك و ناس فهماك ، حاجة كدة تفرح اوى :) ،، ساعات ببقى عايزة اعيش هناك كدة انا بحب تمبلر و اهل تمبلر جداً جداً :)
ليه بتضحكي ف كل الصور هي الصور معناها ايه ؟ تسجيل للحظه من الزمن توثيق حاجات من عمرنا فيها اللي غالي بالقوي و ساعات حاجات ملهاش تمن ليه بتضحكي ف كل الصور و العمر مش كله فرح ليه مصوره النص السعيد وراميه باقي المسأله الحزن لازم ينطبع في الالبومات علشان تملي نفتكر تلك الحاجات منعيدش حاجه منها و نرى الأمور على اصلها لكن صحيح معرفش أنا ليه بتضحكي في كل الصور ؟؟
…هو انا لحد امتى هفضل تايهة منى كدة
لحد امتى هتفضل جوايا فى منطقة مضلمة كدة مش قادرة تشوف النور ولا تضحك بجد ، و لحد امتى هيفضل جوايا تراب رمادى معكنن عليا حتى و انا فرحانة
انا مش عايزة افهم كل حاجة التوهان دة ف حد ذاته عاجبنى ، على الاقل اهى حاجة بدوَّر عليها ، بس فى حاجة كدة ناقصة مش عارفة هيا ايه !!
نفسيا انا مستغربة الوضع دة اوى .. عايزة اتكلم معايا و ازعق و اعيط ، و مش لاقيانى و...
“بتدوَّر ف وشوش الناس على حاجة هى اصلاً مش عارفاها ..”
هى كانت واحشانى اوى ..
كان واحشنى الجنان و المشى فى الشوارع و احساسنا انها بتاعتنا ، هى مش بس صاحبتى اللى عارفة عنى حاجات انا معرفهاش ، هى جزء مهم من تكوينات حياتى انا مش فاكرة ايه اللى حصل يمكن لأنى قررت انى مش هفتكر ، بس كل اللى انا فاكراه اننا شبه بعض اوى ف حاجات كتير ، و اختلافنا بيقوى الصداقة دى ، فاكرة كمان اننا لما جينا نتعاتب هرب الكلام معرفناش نتكلم و عيطنا ، ساعتها حسيت اننا شيلنا...
“و زى كل ليلة لوحدها فى البار
و الدنيا مش بجد
الدنيا مش هزار
تشرب سيجارة...”
– منتصر حجازى
نفسى اعيش حياة طبيعية فى بلد طبيعية واحس بالامان و ما اصحاش كل يوم على مصيبة انئح ماللى قبلها و وجع قلب واغمض عين وافتح الاقيهم غاروا فى60 داهية.. يسقط يسقط حكم العسكر
البقاء لله على الشهداء اللى هيموتوا فى محمد محمود عشان اللى ماتو فى بورسعيد عشان اللى ماتوا فى مجلس الوزرا عشان اللى ماتوا فى ماسبيرو .. !! بجد مش لاقية كلمة اقولها غير حسبى الله و نعمة الوكيل .
ملعون ابو السياسة اللى تخلى الناس تموَّت بعضها ف ماتش كورة
حداد علي أرواح ضحايا كارثة و مؤامرة بورسعيد
حداااد عليكى يا بلادى …
January 2012
42 posts
الهروب المؤقت
كل واحد فينا عنده عالم خيالى بتاعه هو ، هناك بس بيبقى متحكم ف كل حاجة من اول الاضاءة للمزيكا للشكل النهائى اللى بيخليه يقول ” ياما نفسى افضل هناك على طول كدة ” ، العالم اللى بزوره من فترة لفترة ، و قت اما ابقى مضايقة ، وقت اما ابقى سرحانة ، و احيانا وقت اما ببقى فرحانة زيادة عن اللزوم ، الهروب المؤقت اللى بعرف انه مؤقت لما بفوق على جملة ” ايه يا بنتى انتى رحتى فين “!
عن الطفلة اللى جوايا
مبسوطة بنفسى كدة ، مبسوطة بالطفلة اللى جوايا اللى مش فاهمة كل حاجة، اللى حتى تعبيراتها و مصطلاحتها عادية جدا ، اللى مش عارفة تطّلع اللى جواها و توصله للناس بالشكل اللى هيا حساه ،لأن ببساطة مش لازم توصله للناس ، يكفى جدا انها حساه و مبسوطة بيه ، اللى دايما تقع ف الكلام لما تكدب، بحب عنيها و هيا مستغربة كل حاجة , و ضحكتها بصوت عالى ف اى مكان لما تفتكر اى حاجة حصلتلها ، بحب تعبيرات وشها لما حد...