February 2012
60 posts
اى كلام
انا بكره احساس الشفقة دة اوى ! مبحبش حد يصعب عليا و مبعرفش اتعاطف بشكل كامل مع الشخص اللى بيصعب عليا ! بس بحس بوجع و حاجة بتاكل ف روحى و الحاجة دى مبتروحش منى بسهولة ، و انا بخاف من التعب دة اوى ، أيوة بخاف على نفسى من الزعل جداُ
كمان مش متخيلة ابداً فكرة انى اصعب على حد دى ، على طول ف دماغى ” لأ امسكى نفسك انتى اقوى من كدة اوعى تصعبى على حد ، عايزة حد يقول عليكى يا عينى يا...
“إن رحيل الإنسان عن نفسه هو أقسى أنواع الرحيل”
– ياسر حارب, بيكاسو وستاربكس
افتحى دراعاتك للسما ، ارقصى.. هتلاقى القمر غنالك ، و لسعة البرد باستك على خدك ، و النجوم رقصت معاكى ، و هتنزل نجمة منهم تنورلك طريقك و تطبطب عليكى لحد ما الشمس تيجى تحضنك ، سيبى نفسك للدنيا و كفاية تفكير بقى !
“كل اللى هاجروا من الأغانى/ اتهجروا منها
هايرجعوا سكان.. وعشرة عُمر
هايدبروا...”
– وائل فتحي (via nohareda)
فاكرة انى من فترة كبيرة اقتنعت تماما ان كل حاجة بتعَدى بسرعة و كل حاجة مسيرها هتخلص و هيجى غيرها كتير سواء حلو او وحش ، و بقيت بتعامل على الاساس دة ف كل حاجة ، و وصلت لمرحلة انى ” اعمل الحاجة دى ليه ؟ ” مادام هتخلص ، ” طب مانا هفرح لو عملت كدة ” لأ ما الفرحة دى هتعدى و هتخلص ! ، مبقتش بعرف اسيب نفسى للحظة اللى انا فيها ولا بقدر احضن الفرحة ، فاكرة كمان ان كان اكتر حاجة...
لازم تبقى عارف دايماً ان ورقك مش زى ورق غيرك عشان كدة مش لازم ابداً تستغرب !
عن اصحابى اللى معرفهمش
هما اصحابى اللى معرفهمش و هما كمان شبهى اوى ، انا عارفة انهم موجودين حواليا ف الدنيا و وجودهم دة مطمنى جداُ حتى اذا كنت معرفهمش ، و عارفة كمان انهم بيدَّورا عليا زى مانا بدّوَر عليهم ، ساعات كتير بشفهم ف ناس كتير معرفتى بيهم سطحية و بحب انها تفضل سطحية عايزاهم يفضلوا كدة عشان كونهم كدة بيبسطنى اوى ، بس عارفة اننا هنلاقى بعض ف يوم م الايام صدفة ف مكان اول مرة اروحوا :)
psycho0o:
ألف في شوارع مصر , و أحب ف بنتها السمرا
انا هو انا برغم كل العك و اللغبطة و السذاجة و القرف انا مبسوطة ب كونى انا و مش عايزة ابقى اى حد تانى
“كل ما تسألني كيفك بتذكر إني مش منيح يعني بتعرف؟ لو بلاه هالسؤال.”
– زياد الرحبانى
امبارح شوفتها الحاجة سلوى ام مختار :) ، ست مصرية اوى عندها فوق ال 70 سنة كدة ، لهجتها صعيدية جداً ، و التجاعيد و الخطوط اللى ف وشها بتحكيلك تاريخ و حواديت من زمن قديم ، االطيبة مرسومة على وشها ، و البساطة ف كلامها قادرة انها تخلى اجمد قلب يدمع ، انا ماتكلمتش معاها كتير بس انا كنت مركزة ف كلامها مع ماما اوى و كنت ف قمة السعادة لما اتكلمت معايا الكام دقيقة دول ، خصوصاً لما دعيتلى و قالت ” يا...
الحزن سرطان الروح. و انت كنت العلاج الكيماوى . تقتل السرطان و تقضى على الكثير من الحياة معه. و انا قررت التوقف عن تناولك و مقاومة سرطانى بنفسى ، لقد اكلت من روحى اكثر مما اكل السرطان بكثير . اسكندرية /بيروت نرمين نزار
“تكون بين الناس خيوط تربطهم , لكنهم لا يرونها الا فى وقت مخصوص , وقد لايرونها...”
– من رواية محال - ل يوسف زيدان .
(via imisa)
فكرة تمبلر نفسها مريحة اوى !! ، انك تتكلم براحتك من غير اى تعليقات سخيفة من اى حد و تلاقى ناس كتير زييك و ناس فهماك ، حاجة كدة تفرح اوى :) ،، ساعات ببقى عايزة اعيش هناك كدة انا بحب تمبلر و اهل تمبلر جداً جداً :)
1 tag
ليه بتضحكي ف كل الصور هي الصور معناها ايه ؟ تسجيل للحظه من الزمن توثيق حاجات من عمرنا فيها اللي غالي بالقوي و ساعات حاجات ملهاش تمن ليه بتضحكي ف كل الصور و العمر مش كله فرح ليه مصوره النص السعيد وراميه باقي المسأله الحزن لازم ينطبع في الالبومات علشان تملي نفتكر تلك الحاجات منعيدش حاجه منها و نرى الأمور على اصلها لكن صحيح معرفش أنا ليه بتضحكي في كل الصور ؟؟
…هو انا لحد امتى هفضل تايهة منى كدة
لحد امتى هتفضل جوايا فى منطقة مضلمة كدة مش قادرة تشوف النور ولا تضحك بجد ، و لحد امتى هيفضل جوايا تراب رمادى معكنن عليا حتى و انا فرحانة
انا مش عايزة افهم كل حاجة التوهان دة ف حد ذاته عاجبنى ، على الاقل اهى حاجة بدوَّر عليها ، بس فى حاجة كدة ناقصة مش عارفة هيا ايه !!
نفسيا انا مستغربة الوضع دة اوى .. عايزة اتكلم معايا و ازعق و اعيط ، و مش لاقيانى و...
“بتدوَّر ف وشوش الناس على حاجة هى اصلاً مش عارفاها ..”
هى كانت واحشانى اوى ..
كان واحشنى الجنان و المشى فى الشوارع و احساسنا انها بتاعتنا ، هى مش بس صاحبتى اللى عارفة عنى حاجات انا معرفهاش ، هى جزء مهم من تكوينات حياتى انا مش فاكرة ايه اللى حصل يمكن لأنى قررت انى مش هفتكر ، بس كل اللى انا فاكراه اننا شبه بعض اوى ف حاجات كتير ، و اختلافنا بيقوى الصداقة دى ، فاكرة كمان اننا لما جينا نتعاتب هرب الكلام معرفناش نتكلم و عيطنا ، ساعتها حسيت اننا شيلنا...
“و زى كل ليلة لوحدها فى البار
و الدنيا مش بجد
الدنيا مش هزار
تشرب سيجارة...”
– منتصر حجازى
